OBRADOIRO II: A ENTREVISTA

A Asociación Sociocultural de Minusválidos continúa a súa andaina no Proxecto de Orientación ao Emprego. O éxito do primeiro dos obradoiros de inserción laboral foi rotundo, contando con 20 persoas participantes repartidas en dous grupos.

O Obradoiro II abordará a temática da entrevista laboral, contando tamén cunha parte teórica e outra práctica. Haberá 2 grupos de traballo: o primeiro, o luns 19 de xaneiro, de 16:30 a 18:30 horas; e, o segundo; o mércores 21 de xaneiro de 10:30 a 12:30 horas.

Para acudir aos obradoiros de inserción laboral, apúntate na nosa bolsa de emprego, chamando ao 981 351 430.

OBRADOIROS DE INSERCIÓN LABORAL

Logo da Xornada "Punto de partida do Proceso de Inserción", seguimos co labor do Proxecto de Orientación ao Emprego. O segundo paso do proceso son os Obradoiros de Inserción Laboral. Comezaremos co Obradoiro I: Currículo e carta de presentación. Traballaremos en grupos para adquirir habilidades na busca de emprego, na elaboración do currículo e na entrevista laboral.

Teremos dous grupos de traballo, un de mañá (os mércores) e outro de tarde (os luns); para que os participantes podan elixir o horario que máis lles conveña. Os obradoiros levaranse a cabo na aula da Asociación Sociocultural de Minusválidos de Ferrol (rúa Fernando VI, bloque 2, baixos 18-19) a partir do día 17 de decembro.

Se estades na bolsa de emprego da asociación ou queredes acceder a ela para buscar emprego e participar nos obradoiros, apuntádevos chamando ao 981351430 e preguntade por Andrea Pardo ou Beatriz Dorrio.

XORNADA 21-11-2008: PUNTO DE PARTIDA DO PROCESO DE INSERCIÓN LABORAL